«Չկա Փաշինյանի կողմից գործադրված ջանք, նա խաբել է հանրությանը, նա խաղում է մարդկանց զգացմունքների հետ, խաղացել է 2.5 տարի շարունակ և շարունակում է խաղալ»,- երեկ կազմակերպված երթի ժամանակ ասաց ԱԺ նախկին փոխնախագահ Արփինե Հովհաննիսյանը:
Նրա խոսքով՝ այս օրերին Նիկոլ Փաշինյանի հեռացումը անհրաժեշտություն է, քանի որ մենք կարիք ունենք վերագնահատելու մեր պետության անցած ամբողջ ճանապարհը. «Մեր պետությունը կանգնած է լինել-չլինելու շեմին: Եթե մենք սա չկարողանանք հաղթահարել, ուրեմն իմացեք, որ Հայաստանը կամ կդառնա մարզ, կամ թուրքական վիլայեթ»:
Անդրադառնալով Նիկոլ Փաշինյանի ուղերձին՝ կապված ապատեղեկատվության տարածման հետ, Արփինե Հովհաննիսյանն ասաց. «Եղբայր, ի՞նչն է սուտ՝ զոհե՞րը, գերինե՞րը, հանձնված տարածքնե՞րը, ադրբեջանցիների մոտեցող դիրքե՞րը. ո՞րն է սուտ»:
Մանրամասն՝ տեսանյութում: