Ադրբեջանի կողմից հրադադարի խախտումը՝ Հադրութի ուղղությամբ սադրանքը «նվիրված էր» Մինսկի խմբի դեսպաններին՝ ԱՄՆ-ի և Ֆրանսիայի ներկայացուցիչներին, որոնք հենց այդ ժամերին Բաքվում էին: Այս մասին «Առաջին լրատվական»-ի հետ զրույցում կարծիք հայտնեց Գլոբալիզացիայի և տարածաշրջանային համագործակցության կենտրոնի ղեկավար, քաղաքագետ Ստեփան Գրիգորյանը
Նա նկատեց, որ Ալիևը ագրեսիվ ելույթ ունեցավ Մինսկի խմբի համանախագահների հետ հանդիպմանը: «Ալիևը երեսով տվեց, որ 28 տարվա բանակցությունները արդյունք չտվեցին, և ասաց՝ տեսաք, մենք պատերազմով լուծեցինք այդ հարցը, և եթե խնդիրներ լինեն, իրենք նորից ուժով կլուծեն դրանք:
Քաղաքագետը նաև հավելեց, որ այդ սադրանքով հնարավոր է, որ Ադրբեջանը Ռուսաստանին էր ուզում ինչ-որ ուղերձներ հղել:
Ստեփան Գրիգորյանի կարծիքով՝ Ռուսաստանը չի ցանկանում, որ Մինսկի խմբի ձևաչափը վերականգնվի, և այդ մասին է վկայում այն, որ տարածաշրջանային այցին Մինսկի խմբի ՌԴ ներկայացուցիչը չէր մասնակցում, և այն, որ խաղաղապահներ տեղեկայեց առանց խորհրդակցելու Ֆրանսիայի և ԱՄՆ-ի հետ, խաղաղապահների հարցում կոնսենսուս կար, բայց ոչ Մինսկի խմբի երկրների խաղաղապահների»:
Քաղաքագետի դիտարկմամբ՝ այս պատերազմում հայկական կողմը ոչ թե պարտվել, այլ կիսապարտվել ենք: Նրա խոսքով՝ իշխանությունը պետք է խելքի գա:
Մանրամասն՝ տեսանյութում: