77 մարդ սառնասրտորեն սպանած ահաբեկիչ Անդերս Բրեյվիկը պահանջել է, որ իր նկատմամբ դատահոգեբուժական ստուգմանը մասնակցեն ճապոնացի հոգեբույժները, քանի որ, ըստ նրա, վերջիններս «ավելի ազնիվ են»:
Բրեյվիկի փաստաբանը նաև ներկայացրել է իր պաշտպանյալի այլ պահանջներ: «Նոր պետական կարգի հաստատում, ուր Բրեյվիկը գլխավոր դեր կկատարեր, կառավարության հրաժարական, Նորվեգիայի միապետ Հարալդ V-ի գահից հրաժարում և վերջապես Բրեյվիկի նշանակումը զինված ուժերի հրամանատարի պաշտոնում»: «Բրեյվիկը իրեն համարում է Տաճարականների միաբանության ասպետ»,- պարզաբանել է փաստաբանը:
Բրեյվիկն իր 1500 էջանոց ստեղծագործության մեջ հիացմունքով արտահայտվում ճապոնական և կորեական մշակույթների մասին:
Չնայած դատաբժշկական փորձագիտության տվյալները հայտնի կլինեն նոյեմբերից ոչ շուտ, մի քանի մասնագետ արդեն կարծիք է հայտնել, որ Բրեյվիկը ի վիճակի է պատասխան տալ իր արարքների համար:
