Փաստորեն՝ բոլորը մեղավոր են՝ իրենից բացի։ Մեղադրեց զինվորների ծնողներին և մայրերին՝ ասելով, որ չեն ուզում, որ իրենց ամուսիններն ու տղաները գնան, հետո մեղադրեց զինվորներին, որ այնքան էլ լավ չեն կռվում, բոլորին համարեց դասալիքներ, հետո մեղադրեց ինչ-որ հրամանատարների դավաճանության մեջ՝ այդպես էլ չտալով անուններ, հետո մեղադրեց ընդդիմությանը՝ չգիտես ինչի մեջ, երկու օր առաջ մեղադրեց Արցախի նախկին նախագահներին։ Այս մասին լրագրողների հետ զրույցում ասաց ԱԺ «Բարգավաճ Հայաստան» խմբակցության պատգամավոր Նաիրա Զոհրաբյանը։
Զոհրաբյանը հետաքրքրված է, թե ինչով է արտահայտվելու Փաշինյանի պատասխանատվություն կրելը, եթե վերջինս հայտարարում է, որ կրում է պատասխանատվություն։
