Նոյեմբերի 26-ին՝ Գոհաբանության օրը, Լոս Անջելեսում տեղի է ունեցել 23-րդ ամենամյա հեռուստամարաթոնը, որի կարգախոսն էր «Համախմբվածություն, ուժ, հավատ»:
Հաշվի առնելով հայրենիքում ստեղծված դժվարին իրադրությունը և հայրենիքի համար ընկած զինվորների հիշատակը, այս տարի հեռուստամարաթոնը տևել է 4 ժամ, ավանդական 12 ժամի փոխարեն, սակայն ԱՄՆ հայ համայնքի համախմբվածության շնորհիվ հանգանակվել է 22 միլիոն 990 հազար դոլար: Հեռուսամարաթոնի հանգանակություններն ուղղվելու են Արցախից տեղահանված և հանուն հայրենիքի զոհված զինծառայողների ընտանիքների աջակցմանը:
Թեմայի շուրջ «Առաջին լրատվական»-ի հետ զրուցում «Հայաստան» համահայկական հիմնադրամի տնօրեն Հայկակ Արշամյանը նշեց, որ բացի ԱՄՆ-ից, Ֆրանսիայում նույնպես դրամահավաք է տեղի ունեցել՝ «Ֆոնետոնի» շրջանակներում հանգանակել է 3 միլիոն 132 հազար դոլար: Ընդհանուր առմամբ՝ հավաքագրվել է 26 միլիոն 122 հազար 898 դոլար: Դրամահավաքը շարունակվում է: Եվրոպական մի շարք երկրներում էլ առանձին դրամահավաք կկազմակերպվի:
Համահայկական հիմնադրամը աննախադեպ արդյունք է գրանցել, չնայած հիմնադրամի շուրջ մանիպուլյացիաներին:
Հայկակ Արշամյանի խոսքով՝ հիմնադրամի նկատմամբ վստահությունն ամուր է, և այստեղ շեշտվում է Սփյուռքի մեր հայրենակիցների նվիրվածությունը:
Մանրամասները՝ տեսանյութում:
