Սա այն Հայաստանը չէ, որի մասին երազում էինք: Հեղափոխության օրերի խանդավառությունը, դրական էներգիան մսխվեց, և մենք նորից հայտնվեցինք կոտրած տաշտակի առջև: «Առաջին լրատվական»-ի հետ զրույցում այս մասին ասաց օպերային երգչուհի ՀՀ ժողովրդական արտիստ Հասմիկ Պապյանը:
«Մենք հասկացել ենք, թե ինչ է տեղի ունեցել, բայց մեզ պետք է բացատրել, թե ինչպես է տեղի ունեցել, ովքեր են մեղավոր, նրանք պետք է պատասխան տան»,- նշեց երգչուհին՝ հավելելով, որ մենք պարտվել ենք, որովհետև մեզ միշտ խաբել են, շարունակաբար վստահեցրել են, որ ունեցել ենք տարածաշրջանում լավագույն բանակը: «Մենք ունեցել ենք շատ լավ սպաներ, գեներալներ ու զինվորներ, որոնք պատրաստ էին իրենց կյանքը նվիրել հայրենիքին, բայց մենք չենք ունեցել ամենակարևորը՝ գլուխը, որը պիտի ղեկավարեր, հրահանգներ տար և քաջություն ունենար ասելու ճշմարտությունը»:
Հասմիկ Պապյանի դիտարկմամբ՝ շատ կարևոր է ճիշտ դիվանագիտությունը, և անհրաժեշտ է առաջնորդվել երկրի շահերով, ոչ թե անձնական: Նրա խոսքով՝ առաջին հերթին պարտվել ենք տկար դիվանագիտության հետևանքով: «Եվ մենք երեկ չենք պարտվել, այօր չենք պարտվել, մենք 30 տարի շարունակ պարտված ենք և ոչ մի դաս չենք քաղել:
Ցավոք մեզ գլխահակ թողեցին, կոտրեցին մեր ողնաշարը: Դա ակնհայտ է… Մենք ենք մեղավոր: Եթե 44 օր պատերազմում ես, պետք է իմանաս քո ուժերը և իմանաս ուր ես գնում, և ոչ թե մի գիշերվա մեջ հանկարծ կաթվածահար անես մի ողջ ժողովրդի՝ Հայաստանում և Սփյուռքում՝ ասելով, որ դրանով փրկվեցին զինվորները և Արցախի մի մասը: Եվ հիմա պարզվում է, որ արցախցիներն են գծում քարտեզը՝ ինչպես իրենց հարմար է և հայտարարությունից անցել է երկու շաբաթ, բայց գերավարում են խաղաղ բնակիչների, մենք հետ չենք բելեր ոչ մի գերու: Մենք պետք է վերջապես սթափվենք»,- նշեց Պապյանը:
Մանրամասն՝ տեսանյութում: