ՀՅԴ-ական գործիչներն այցելել են վարչապետի հրաժարականի պահանջով հացադուլ իրականացնող Գեղամ Մանուկյանին։
ՀՅԴ ԳՄ անդամ Իշխան Սաղաթելյանը լրագրողների հետ զրույցում նշեց, որ Նիկոլ Փաշինյանը պատերազմի ընթացքում մտածում էր ոչ թե պատերազմը հաղթելու մասին, այլ ինչ քայլեր անի և ինչպես խոսի. «Իր գլխավոր նպատակն իշխանությունը պահելն է։ Հիմա էլ անամոթաբար կպել է այս աթոռից, անհայտ կորածների հարազատների աչքերին ոնց է նայում, չգիտեմ։ Նիկոլն իր իշխանությունը պահելու համար մեր ժողովրդին մեկ անգամ ևս տանելու է նոր սադրանքների։ Այսինքն` ինքն իր իշխանությունը պահելու համար փորձ է անելու նաև Երևանում արյուն թափել և իր բազմաթիվ մեղքերին ևս մեկն է ավելացնելու»,-նշեց Իշխան Սաղաթելյանը։