Այսօր՝ նոյեմբերի 17-ին, ԱԺ-ում մեկնարկել է հերթական նիստի աշխատանքը:
«Սկսեմ ինձանից. Անդրանիկ, հանդարտ եղիր: Այնպիսի տպավորություն է, որ ռազմական գործողությունները տեղափոխել ենք Հայաստանի տարածք, երբ մենք իրոք հսկայական անելիքներ ունենք: Պատերազմը ՀՀ տարածքում պետք է դադարեցնել»,- հայտարարեց «Իմ քայլը» խմբակցության պատգամավոր Անդրանիկ Քոչարյանը:
Նրա խոսքով` այս բարոյալքման տակից բոլորը պետք է դուրս գան. «Մենք պետք է արդեն ոչ թե ֆեյքային, այլ իրական պատրաստ լինենք և փրկենք մեր փշրանքները: Եկեք այս փշրանքները չդարձնենք ֆիդայական ջոկատներ. դրանք դատապարտված են պարտության»:
Նա խոսք տվեց նախաձեռնել շատ լուրջ քննարկումներ պաշտպանության հանձնաժողովում. «Հաղթանակի գաղափար է պետք ունենալ, սկսենք քաղաքական լուծումների ճանապարհային քարտեզից: Արարատ Միրզոյանին ծեծելը նման էր Վահե Ավետյանի սպանությանը. 27-ն էլ է այդպես եղել: Եկեք ֆորս-մաժորներից փախչենք: Ապօրինի զենքը կրակելու հրաման տվողները հեռվում են»:
Մանրամասն՝ տեսանյութում:
