Հայաստանյան 17 կուսակցություն ասել են այն, ինչ Ալիևը, այսինքն՝ նրանք անցել են Ալիևի կողմը: Հայաստանի հասարակությանը սա հստակ հուշում է, որ եթե այդ կուսակցություններն անցել են թշնամու կողմը, ապա նրանց հետ պետք է վարվել այնպես, ինչպես թշնամու հետ: Այս մասին «Առաջին լրատվական»,- հետ զրույցում ասաց «Անտարես» հրատարակչության տնօրեն Արմեն Մարտիրոսյանը անդրադառնալով Գլխավոր գերագույն հրամանատար Նիկոլ Փաշինյանի և նրա կառավարության հրաժարականի պահանջին:
«Ինչ վերաբերում է Շուշիին, իհարկե, այն կարևոր ստրատեգիական նշանակություն ունի, բայց մենք ոչ միայն Արցախում, այլ նաև Հայաստանում, այլ ստրատեգիական վայրեր ունենք: Ես դեմ եմ, որ Շուշին սակրալացնեն, ինձ համար մեկ սակրալ բան կա՝ հայ զինվորը»- նշեց Մարտիրոսյանը:
Նա կոչ արեց «տեղեկատվական առնետների» առաջ փակել դուռը. «Կեղծ լուրեր և խուճապ տարածողներին սոցցանցերում պետք է «բլոկ» անել… 17 կուսակցությանը ընդամենը հարյուր մարդ կարող են աջակցել, նրանց ձեռագիրը և Ալիևի ձեռագիրը նույնն է: Ցավում եմ, որ նրանք այդ աստիճանի գլորվել են ձորը, «գյոռբագյոռ» են եղել:
Մենք, որպես հանրություն, պետք է թույլ չտանք, որ խժդժություններ լինեն, և այդ մասին լսի հայ զինվորը, մենք պետք է համախմբվենք. մենք իրականում համախմբված ենք՝ բացի ֆեյքերից ու Ալիևի կողմն անցած կուսակցություններից, հանրության շրջանում նրանք կողմնակիցներ չունեն և հանրության մեջ խուճապ չկա»,- նշեց Մարտիրոսյանը:
Մանրամասն՝ տեսանյութում:
