Լուրեր
Վրաստանն այսօր նույնն իրավիճակում է, ինչ Հայաստանը ապրիլին․ ունենք և սարսափելի պանդեմիա, և մեռած տնտեսություն

Վրաստանի ռազմավարական վերլուծությունների կենտրոնի ավագ գիտաշխատող, քաղաքագետ Գելա Վասաձեի հետ օնլայն զրույցում շոշափվեցին մի քանի կարևոր հարցեր։

Ինչպես գիտենք, Վրաստանում խորհրդարանական ընտրություններ են, և ժողովուրդը կանգնած է քաղաքացու իր պարտքի կատարման և կորոնավիրուսից պաշտպանվելու երկընտրանքի առաջ։

Գ.Վասաձեի խոսքով՝ թեև ընտրատարածքներում ձեռնարկված են պաշտպանական բոլոր միջոցները, և ինքն էլ մասնակցելու է ընտրություններին, սակայն մորը խորհուրդ կտա ձեռնպահ մնալ քվեարկության գնալուց։

«… Մեզ մոտ ոչ թե երկրորդ, այլ առաջին ալիքն է, հիմա մենք այն վիճակում ենք, ինչ Հայաստանը՝ ապրիլին։ Այսօր ժողովուրդը մեղադրում է իշխանությանը կովիդի դեմ անպատրաստ լինելու մեջ, քանի որ վերջիններս դրա համար բավական ժամանակ ունեին։ Արդեն այս պահին հիվանդանոցներում տեղ չկա, շտապօգնության մեքենաները չեն հասցնում բավարարել կանչերը. փաստորեն, մենք կորոնավիրուսի դեմ կանգնած ենք լիովին անպաշտպան։

Բացի դրանից, գարնանը ներմուծված կոշտ կարանտինը չեզոքացրել է մարդկանց խնայողությունները։ Այսինքն՝ մենք հիմա և՛ ճգնաժամ ունենք, և՛ համաճարակ։ Իհարկե դա շատ է ազդել «Ռուսական երազանք» կուսակցության վարկանիշի վրա»,- զրույցի ժամանակ նշեց Գ. Վասաձեն։

Նա նաև հայտնեց, որ համաճարակի հաղթահարման համար Վպաստանը 3 մլն դոլար օգնություն է ստացել։ Հարց է ծագում՝ ինչի՞ վրա է ծախսվել այդ գումարը։

Կուսակցությունների ներքին պայքարի, Վրաստանի տնտեսական ճգնաժամի, վերջին տարիներին ավելի հաճախ շրջանառվող՝ զբոսաշրջության ոլորտում Թուրքիայի արած մեծ ներդրումների, դեպի Հայաստան բեռնափոխադրումների և այլ հարցերի մասին մանրամասն՝ տեսանյութում։

  • Դիտումներ՝ *