ԱՄՆ ներկայիս նախագահ Դոնալդ Թրամփի «ռուսական դոսյեի» աղբյուրներից մեկը Պերմի բնակչուհի Օլգա Գալկինան է եղել, որն աշխատում էր Կիպրոսում, հայտնում է Wall Street Journal- ը՝ վկայակոչելով իր իսկ հետաքննության արդյունքները:
Ըստ թերթի, Գալկինան «հասարակայնության հետ կապերի մասնագետ» էր և աշխատում էր ռուս գործարար Ալեքսեյ Գուբարևի XBT հոլդինգի Կիպրոսի մասնաճյուղում: Հրապարակման մեջ ասվում է, որ 2016-ի ամռանը նրան է մոտեցել իր դասընկերը, որն աշխատում էր Քրիստոֆեր Սթիլի դոսյեն կազմելու վրա:
Հոդվածում նշվում է, որ կինը ընկերոջը պատմել է 2016-ի ընտրական մրցավազքի ժամանակ դեմոկրատների սերվերի վրա հակերային հարձակման մեջ իր գործատուի ընկերության մասնակցության մասին:
Բացի այդ, նա իբր հայտարարել է գործաարարի համագործակցության մասին Ռուսաստանի հատուկ ծառայությունների հետ, ինչպես նաև պատմել է Թրամփի փաստաբան Մայքլ Քոենի գաղտնի հանդիպման մասին ռուսական հետախուզության ներկայացուցիչների հետ Պրահայում: Այս հայտարարությունները հետագայում անարժանահավատ են ճանաչվել:
«Թրամփի ռուսական դոսյեն» պատրաստել է բրիտանական հետախուզության նախկին գործակալ Քրիստոֆեր Սթիլը: Նրա դոսյեի մասին հայտնի դարձավ 2016-ին, փաստաթղթում տեղեկություններ էին հավաքվել Ռուսաստանի հետ Թրամփի ենթադրյալ կապերի մասին:
