Բիշքեկի քաղաքագլխի նոր պաշտոնակատար Նարիման Տյուլեեւը հրաժարվել է պաշտոնից. քաղաքապետի համապատասխան հայտարարությունը հոկտեմբերի 22-ին տարածել է մայրաքաղաքի քաղաքապետարանի մամուլի ծառայությունը:
Տյուլեեւը հայտարարության մեջ պնդում է, որ չի ձգտել գլխավորել Բիշքեկը, բայց իրեն համոզել է նախկին քաղաքագլուխ Ազիզ Սուրակմատովը: Նաեւ, նրա խոսքով, հազիվ թե ինքը ստանձներ պարտականությունները, երբ «քաղաքագլխի աթոռի շուրջ ծավալվում է տարբեր խմբավորումների եւ կասկածելի անձանց կեղտոտ ու զզվելի պայքարը»:
«Գիտակցելով, որ ամփոխապետության աճող ալիքը կանգ չի առնի սթափ բանականության եւ փաստերի առջեւ, մենք Ղրղզստանի Հանրապետության նախագահի եւ Ղրղզստանի Հանրապետության վարչապետի պաշտոնակատար Սադիր Ժապարովի հետ որոշում ընդունեցինք, որ ես թողնում եմ քաղաքագլխի պաշտոնակատարի պաշտոնը»,- գրել է Տյուլեեւը: Նրա խոսքով՝ քաղաքագլխի պարտականությունները մինչեւ 2021 թվականի ապրիլի 11-ին Բիշքեկի քաղաքային խորհրդի գումարման ժամկետների լրանալը կկատարի առաջին փոխքաղաքապետ Ալմազ Բակետաեւը, որը, Տյուլեեւի գնահատմամբ, «արդեն երկու տարի բարեխղճորեն եւ պատասխանատվությամբ ծառայում է մայրաքաղաքին՝ ներկայացնելով երկրի կառավարիչների նոր սերունդը»:
Հոկտեմբերի 5-ին Ղրղզստանում սկսվել են ընդդիմության ելույթները, որը չի ճանաչել խորհրդարանական ընտրությունների արդյունքները, որոնք անցկացվել Էին հոկտեմբերի 4-ին: Իրավապահ մարմիններն ուժ են կիրառել ցուցարարների նկատմամբ, որոնք փորձել են թափանցել խորհրդարանի շենք: Բախումները Բիշքեկում շարունակվել են ամբողջ գիշեր, առավոտվա կողմերը բողոքի մասնակիցները գրավել են խորհրդարանի շենքը, որտեղ նաեւ տեղակայված է նախագահի գրասենյակը: Բախումների ժամանակ տուժել Է 1,2 հազար մարդ, ցուցարներից մեկը զոհվել է: Ղրղզստանի վարչապետ Ղուբաթբեկ Բորոնովը հրաժարական Է տվել: Նախագահ Սոորոնբեկ Ժեենբեկովը, նրա մամուլի քարտուղարի պնդմամբ, ամբողջ ժամանակ գտնվել է Բիշքեկում եւ վերահսկել իրադրությունը: Հոկտեմբերի 9-ին անկարգությունները Բիշքեկում վերսկսվել են: Կենտրոնական հրապարակում բախում Է տեղի Է ունեցել Սադիր Ժապարովի կողմնակիցների եւ հակառակորդների միջեւ: Տուժել Է յոթ մարդ, այդ թվում՝ ընդդիմադիր Տիլեկ Տոկտոգազիեւը, հաղորդել է ՌԻԱ Նովոստին:
