Այսօր ԱՄՆ-ում նշվում է Գոհաբանության օրը: Այն սովորաբար նշվում է նոյեմբեր ամսվա չորրորդ հինգշաբթի օրը և ամերիկացիների ամենասիրված տոնն է: Այս օրը ԱՄՆ նախագահը սովորաբար հնդկահավերին կյանք է պարգևում: Սակայն այս տարի նախագահը դրանով չէ, որ միայն զբաղվել է: Նա կնոջ` Միշելի, դուստրերի` Մալիայի և Սաշայի, ինչպես նաև զոքանչի` Մարիան Ռոբինսի հետ կամավորական աշխատանք են իրականացրել Martha’s Table բարեգործական կազմակերպությունում, որը գտնվում է Սպիտակ տնից ոչ հեռու և օգնում է անապահով մարդկանց սնունդով, հագուստներով և երեխաների կրթությամբ: Օբամաների ընտանիքը կերակուր է բաժանել չքավորներին: Օբաման զրուցել է այդ մարդկանց հետ, տոնի օրվա կապակցությամբ ստացել նրանց բարեմաղթանքները: