Վերջին շրջանում հայկական դրամի արժևորումը պայմանավորված է զուտ սեզոնայնությամբ և մեր ներքին տնտեսական խնդիրներով, գյուղատնտեսությամբ: «Առաջին լրատվականի» հետ զրույցում ԿԲ նախկին նախագահ Բագրատ Ասատրյանը դրամի արժևորման մեջ բացառեց ԱՄՆ հնարավոր դեֆոլտի ազդեցությունը. «ԱՄՆ դեֆոլտը քաղաքական, վարչական դեֆոլտ է, բայց երբեք տնտեսական չի և չի կարող տնտեսության վրա էական ազդեցություն ունենալ, առավել ևս մեր երկրի վրա»:
Բ. Ասատրյանը նշեց, որ դրամի արժևորմանը նպաստում են նաև տրանսֆերտները. «Դրամի արժևորումը սովորաբար հուլիսի մեջ կոտրվում էր: Այս տարի մի քիչ երկար ձգվեց, բայց սեզոնային է, և առաջիկայում կտեսնենք հակառակ միտումները»,- ասաց Բ. Ասատրյանը:
