Բիշքեկում՝ Ալա-Տուի կենտրոնական հրապարակում, բախումներ են տեղի ունեցել ցույցի ժամանակ, հնչել են կրակոցներ՝ հաղորդում է currenttime.tv-ն:
Սպիտակ տան մոտակայքում գտնվող Ալա-Տու հրապարակում ավելի վաղ հավաքվել էին նախկին նախագահ Ալմազբեկ Աթամբաևի, նախկին վարչապետ Օմուրբեկ Բաբանովի և այլ քաղաքական գործիչների կողմնակիցները, ինչպես նաև քաղաքացիական ակտիվիստներ և երիտասարդներ: Նրանք պահանջել են, որ պատգամավորները հանդիպեն և ընտրեն օրինական վարչապետ:
Ըստ Kaktus.media-ի՝ որոշ խորհրդարանականների կողմից վարչապետի պաշտոնում առաջադրված նախկին պատգամավոր Սադիր Ժափարովի կողմնակիցները հավաքվել էին Կառավարության տան շենքի մոտակայքում գտնվող Հին հրապարակում:
Ավելի ուշ անհայտ անձինք եկել են Ալա-Տու հրապարակ: Հաղորդվում է, որ սրանք քաղաքական գործիչ Սադիր Ժափարովի կողմնակիցներն են: Արդյունքում բախումներ են տեղի ունեցել, միմյանց վրա քարեր և պլաստիկ շշեր են նետել:
Լսվել են նաև կրակոցներ: Տեսանյութում երևում է, որ անհայտ անձը ատրճանակից կրակել է մեքենայի ուղղությամբ: