Այսօր՝ հոկտեմբերի 6-ին, Ազգային ժողովում մեկնարկել է հերթական նիստի աշխատանքը: ԱԺ պատգամավորների հայտարարությունների ժամին «Իմ քայլի» պատգամավոր Անդրանիկ Քոչարյանի հայտարարությունը վերաբերում էր ՀՀ-ից դուրս բնակվող ազգությամբ հայ սպաներին, զինվորականներին, որոնք փորձ ունեն: «Պաշտպանության բանակը պայքարում է ոչ միայն Ադրբեջանի, այլև Թուրքիայի ռազմական մտքի ու պրակտիկ մասնակցության դեմ: Թշնամուն կարող ենք ստիպել հրաժարվել իր հեռահար նպատակներից միայն նրա դեմ խիստ պատժիչ գործողություններ կիրառելով»:
Նրա խոսքով` թշնամու գործողությունները սպառնում են նաև տարածաշրջանային անվտանգությանը:
Անդրանիկ Քոչարյանն ընդգծեց, որ այսօր ճիշտ ժամանակն է օգտագործելու ազգային ամբողջ գիտելիքների ներուժը. «21-րդ դարի բանակում թանկարժեք տեխնիկան գործի կեսն է միայն, բանակին անհրաժեշտ է պրակտիկ գիտելիքների շարունակակնություն և ինտելեկտուալ աճ: Կոչ եմ անում բանակին աջակցել ձեր մասնագիտական հմտություններով ու գիտական ռեսուրսով: Ժամանակը սուղ է»:
Մանրամասն՝ տեսանյութում:
