Ամբողջ օրն ընթացել են ինտենսիվ ռազմական գործողություններ ամբողջ ճակատում, բոլոր ուղղություններով, հատկապես լարված են եղել հյուսիսային և հարավային ուղղությունները, ՊԲ ստորաբաժանումները գրանցել են զգալի հաջողություններ և ետ են վերցրել նախկինում գրաված դիրքերը, լրագրողների հետ զրույցում հայտարարեց Արցախի պաշտպանության բանակի փոխնախարար Արթուր Սարգսյանը:
Ըստ նրա` Ադրբեջանը հարվածներ է հասցրել նաև խաղաղ բնակավայրերին, ինչպես նաև Հայաստանի բնակավայրերին` Վարդենիսին: «Այսօրվա մարտերում հակառակորդն ունեցել է հետևյալ կորուստները` 17 տանկ, 4 զրահափոխադրիչ, 3 ինժերենատեխնիկական ծանր զրահատեխնիկա, 13 ԱԹՍ, անձնակազմը շուրջ 500-ից ավելին», – ասաց նա` հավելելով, որ հայկական կողմը ևս կորուստներ ունեցել է, թվային տվյալները ճշտվում են, կհրապարակվեն մի փոքր ավելի ուշ:
