Եվրամիությունը կողմերին դեէսկալացիայի, հրադադարի ռեժիմի խիստ պահպանման և ռազմական գործողությունները դադարեցնելու կոչ է արել Լեռնային Ղարաբաղում, ասվում է ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեփ Բորելի հայտարարության մեջ
«ԵՄ-ն կոչ է անում անհապաղ դադարեցնել ռազմական գործողությունները և խստորեն պահպանել հրադադարի ռեժիմը: Լեռնային Ղարաբաղի հակամարտության կարգավորման համար անհրաժեշտ է անհապաղ վերադառնալ առանց նախապայմանների բանակցություններին՝ ԵԱՀԿ Մինսկի խմբի համանախագահների հովանու ներքո», – ասված է հայտարարության մեջ: