Արցախի Հանրապետության Նախագահի գլխավոր խորհրդական – հատուկ հանձնարարություններով դեսպան Ռուդիկ Հյուսնունցը «Առաջին լրատվական»-ի հետ զրույցում նշել է, որ հիմա լայնածավալ պատերազմ է ընթանում։
«Առավոտյան 7։15-ից սկսվեց քաղաք Ստեփանակերտում ռմբակոծությունը, միաժամանակ ամբողջ սահմանի երկայնքով հրետակոծություն էր՝ Հադրութից մինչև Թալիշ, Մարտակերտ, նունյնիսկ Շուշին են ռմբակոծել անօդաչու սարքերով, պատերազմ են ուզում, պատերազմ էլ կստանան։ Արցախցու ոգին անկոտրում է։ Հիմա մենք զորահավաք ենք սկսել, մենք պաշտպանում ենք մեր հայրենիքն այնպես, ինչպես պաշտպանել ենք դարերով, և այսօր էլի պատրաստ ենք պաշտպանելու։ Եվ մենք այսօր էլ պատրաստ ենք մեր այս անկանխատեսելի հարևաններին ևս մեկ անգամ դաս տալ և աշխարհին ապացուցել, որ մենք իրավունք ունենք ապրելու այս տարածքում»,-ասաց նա։
Ալիևի իշխանությունը, Հյուսնունցի խոսքով, երերուն վիճակում է, և արդեն բնավորություն է դարձել, որ երբ հեղափոխական իրավիճակ է ստեղծվում, նրանք բոլոր պատերազմական գործողություններով ներքին սպառման խնդիրներն են լուծեն։
«Անկեղծ ասած, մենք չենք տենչում պատերազմի, մենք ուղղակի մեր հզոր հայրենիքն ենք պաշտպանում և այս պատերազմական գործողությունները, բնականաբար հաղթանակով ենք պսակվելու»,-հավելեց նա։