Microsoft-ը որոշում է կայացրել 7,5 միլիարդ դոլարով գնել ZeniMax Media-ն, որին պատկանում է ամենամեծ համակարգչային խաղերի մշակող Bethesda Softworks-ը՝ հայտնում է ստուդիայի կայքը:
Bethesda Softworks-ը հեղինակ է մի շարք հայտնի համակարգչային խաղերի՝ The Elder Scrolls, Fallout, Wolfenstein, DOOM և այլն: Ստուդիայում աշխատում է շուրջ 2.3 հազար աշխատակից:
«Microsoft-ը հիանալի գործընկեր է, որն առաջարկում է ռեսուրսների հասանելիություն, որոնք մեզ կդարձնեն ավելի լավ արտադրող և մշակող: Մենք կարծում ենք, որ դրա շնորհիվ դուք կխաղաք լավագույն խաղերը», – ասել է Փիթ Հայնսը՝ Bethesda-ի գլոփալ շուկայավարման և հաղորդակցության գծով փոխնախագահը:
Նշվում է, որ գործարքը վճարվելու է կանխիկ: Microsoft-ն ակնկալում է, որ գործարքը կավարտվի 2021-ի երկրորդ կեսին:
Կորպորացիան կկարողանա վերահսկողություն իրականացնել ZeniMax- ի բոլոր դուստր ձեռնարկություններում: