Լուրեր
Պարզվեց՝ Ադրբեջանը սխալ էր, մենք ճիշտ էինք. վարչապետը՝ Արման Բաբաջանյանին
  • 16:54
  • 2020-09-16
  • Դիտումներ՝ *

Այսօր՝ սեպտեմբերի 16-ին, ԱԺ-կառավարություն հարուպատասխանի ժամանակ անկախ պատգամավոր Արման Բաբաջանյանը հարցրեց. «Պարոն վարչապետ, արցախյան կարգավորման ամենավերջին զարգացումները ո՞ւր են հասել»:

Նա հիշեցրեց Մինսկի խմբի հայտարարությունը. «Ի՞նչ է նշանակում առանց նախապայմանների բանակցություն ԵԱՀԿ ՄԽ հայտարարությունը»:

Ի պատասխան վարչապետն ասաց, որ այս պահին Ադրբեջանի և Հայաստանի ԱԳ նախարարների հանդիպում նշանակված չէ. «Իսկ ԵԱՀԿ ՄԽ հայտարարությունը համարում եմ կառուցողական: Իմ ընկալմամբ` նախապայման ունի Ադրբեջանը»:

Պատգամավորը հետաքրքրվեց նաև, թե հուլիսյան մարտերից հետո որքանով են հարիր բանակցությունները:

«Մենք ասում էինք, որ Հայաստանի և Արցախի հետ չի կարելի խոսել ուժի լեզվով, Ադրբեջանն ասում էր, որ 24 ժամվա ընթացքում իրենք ուժով կլուծեն Ղարաբաղի հարցը: Պարզվեց` Ադրբեջանը սխալ էր, մենք ճիշտ էինք»,- ընդգծեց վարչապետը:

 

Մանրամասն՝ տեսանյութում:

  • Դիտումներ՝ *