Ուկրաինայի նախագահ Վլադիմիր Զելենսկին մեկնաբանել է ռուսաստանցի ընդդիմադիր գործիչ Ալեքսեյ Նավալնիի հոսպիտալացումը։ Ինչպես հաղորդում է «Ուկրինֆորմ»-ը, Ուկրաինայի նախագահն Ավստրիայի կանցլեր Սեբաստյան Կուրցի հետ համատեղ ճեպազրույցում նշել է, որ «իրենք ընհանուր դիրքորոշում ունեն» Նավալնիի դեպքի հետ կապված։
«Մենք բոլորս դատապարտում ենք պարոն Նավալնիի դեմ հարձակումը»,- ասել է Զելենսկին։
Նա ընդգծել է, որ «ամբողջ աշխարհը» սպասում է, թե երբ հայտնի կդառնան իրավիճակի մանրամասները։
Նավալնին այժմ բուժում է ստանում Բեռլինում։ Ըստ գերմանական լաբորատորիայի, նա թունավորվել է «Նովիչոկ» խմբի թույնով։