ՀՀ ֆինանսների նախկին նախարար Գագիկ Խաչատրյանի խափանման միջոցը չփոփոխելու դատարանի որոշումը պաշտպանական թիմը բողոքարկելու է։ Այս մասին այսօր՝ օգոստոսի 27-ին, լրագրողների հետ զրույցում ասաց Խաչատրյանի պաշտպան Երեմ Սարգսյանը։
«Երեկվանից փորձում էի վերլուծել երեկվա դատական նիստը, հասկանալով, թե արդյոք հնարավո՞ր է արդար դատական ակտ կայացվի, ակնհայտ էր, որ ոչ։ Եթե միշտ ասում ենք՝ ծանոթանանք դատական ակտին, տեսնենք՝ ինչ է գրել, որ բողոքարկել, այս պահին նույնիսկ դրա կարիքը չկա ասելու, որովետեւ պրոցեսը ցույց տվեց, որ ակնհայտ է, որ դատարանը գործի նյութերին ընդհանրապես ծանոթ չէր։ Այսինքն՝ ֆիզիկապես հնարավորություն չուներ այս կարճ ժամանակում ծանոթանալու գործի նյութերին»,- ասաց պաշտպանը։