Ինչպես հաղորդում է ԱՄՆ ռազմաօդային ուժերի պաշտոնական կայքը, Կալիֆոռնիայում անհաջողության է մատնվել բալիստիկ միջմայրցամաքային Minuteman III հրթիռների փորձարկումը: Փորձարկման 6-րդ րոպեին պարզվել է, որ հրթիռը շեղվել է նախաշնված թիրախներից:
Հետագա բարդություններից խուսափելու համար հրթիռը ոչնչացվել է Խաղաղ օվկիանոսում՝ Մարշալի կղզիների մերձակայքում: Այս մասին հաղորդում է Associated Press գործակալությունը:
Չի նշվում, թե որն է եղել ձախողման պատճառը: ՌՕՈւ-ի ներկայացուցիչներն ասել են, որ անձնակազմը գործել է ցուցումներին խիստ համապատասխան: Նշվում է նաև, որ ընթացիկ ամսվա ընթացքում սա երկրորդ նմանատիպ ձախողումն է: Minuteman III հրթիռը միակ միջմայրցամաքային բալիստիկ ցամաքային հրթիռն է, որ գտնվում է ԱՄՆ զինված ուժերի հաշվեկշռում:
Հայտնի է, որ ԱՄՆ-ն ունի նմանատիպ 500 հրթիռ՝ 550 միջուկային գլխիկներով: