Բելառուսի նախագահի նախկին թեկնածու Սվետլանա Տիխանովսկայան հայտարարել է, որ հանրապետությունում բողոքի ցույցերի ընթացքում զոհվել է առնվազն վեց մարդ, հաղորդում է «Ինտերֆաքս»-ը:
«Առնվազն վեց մարդ է զոհվել, տասնյակ մարդիկ անհետ կորած են: Սա տեղի է ունենում Եվրոպայի կենտրոնում»,- ասել է նա Եվրախորհրդարանի արտաքին հարաբերությունների հանձնաժողովի հետ տեսակապով շփման ժամանակ:
Քաղաքական գործիչը նշել է նաև, որ խաղաղ ակցիաների մասնակիցներին ահաբեկում են ֆիզիկական ուժով և ազատազրկման սպառնալիքով:
Ավելի վաղ ՄԱԿ-ի մարդու իրավունքների գերագույն հանձնակատարի գրասենյակը հայտարարել էր Բելառուսում բողոքի ցույցերի ժամանակ զոհված չորս մարդու մասին: Հանրապետության ներքին գործերի նախարարությունն իր հերթին հաղորդել է, որ ՄԱԿ-ին նման տվյալներ չի տրամադրել:
