«Քննիչ հանձնաժողովի վրա որեւէ մեկը չի կարող ճնշում գործադրել քննիչ հանձնաժողովի վրա, որեւէ հանգամանք, որեւէ պաշտոնյա՝ ներկա, թե նակխկի։ Որեւէ հանգամանք չի կարող ստիպել քննիչ հանձնաժողովին, որ աշխատանքի լինի մասամբ օբյեկտիվ, կամ շեղումներ լինեն։ Դա բացառված է»,- «Առաջին լրատվական»-ի «Մամուլ սուրճի հետ» հաղորդման շրջանակներում ասաց ԱԺ «Իմ քայլը» խմբակցության պատգամավոր, ԱԺ պաշտպանության և անվտանգության հարցերի մշտական հանձնաժողովի անդամ Արմեն Խաչատրյանը՝ անդրադառնալով Սերժ Սարգսյանի մամուլի ասուլիսին և այդ պնդումներին, որ այդ ասուլիսով Սերժ Սարգսյանը փորձում էր ճնշում գործադրել հանձնաժողովի վրա։
Խաչատրյանը չբացառեց, որ զեկույցի ամբողջական հրապարակումից հետո կարող են լինել քրեական գործեր, քանի որ կան հանգամանքներ.«Բացառված չէ, որ քրեական գործեր էլ հարուցվեն։ «Կան հանգամանքներ, որ քննիչ հանձնաժողովը չի կարողացել բավարար խորությամբ ուսումնասիրել։ Դրանք պահանջում են դատավարական գործիքակազմ։ Այո, դուցե լինեն գործողություններ, որոնք դիտարկվեն քրեաիրավական հարթությունում»,-ասաց Խաչատրյանը։
Մեր դիտարկմանը՝ Սերժ Սարգսյանը կարո՞ղ անցնել որեւէ նման քրեական գործով, Խաչատրյանը պատասխանեց.« Բացառված չէ, որ քրեական գործով անցնեն շատ ու շատ անձիք, այդ թվում Սերժ Սարգսյանը»։
Զրուցել ենք նաև ոստիկանական բարեփոխումներից, պարեկային նոր ծառայությունից։
Զրույցն առավել մանրամասն՝ տեսանյութում։
