Ֆինլանդիայի կառավարությունիը որոշում է ընդունել վերադարձնել սահմանին սահմանափակումները տասը պետություններից երկիր ժամանողների համար՝ այդ երկրներում կորոնավիրուսի հետ կապված իրադրության վատթարացման պատճառով: Օգոստոսի 19-ին կայացած մամուլի ասուլիսում այդ մասին հայտնել է Ֆինլանդիայի ԱԳ նախարարության ղեկավար Մարիա Օհիսալոն:
«Կառավարությունը որոշել է, որ ուղևորությունների համար սահմանափակումները և ներքին սահմաններին (Շենգենի գոտու ներսում) վերահսկողությունը կրկին կմտցվեն Նորվեգիայից, Դանիայից, Իսլանդիայից, Գերմանիայից, Հունաստանից և Մալթայից ժամանողների համար, սահմանափակումները կվերադարձվեն նաև Իռլանդիայի, Սան Մարինոյի, Ճապոնիայի և Կիպրոսի համար»,- ասել Է նա:
Նախարարը նշել Է, որ Ֆինլանդիա մուտքի պայմաններն այժմ ամենախիստն են Եվրոպայում: Ընդունված որոշումն ուժի մեջ կմտնի օգոստոսի 24-ին:
Բացի դրանից, Ֆինլանդիայի Տրանսպորտի և հաղորդակցությունների գործակալությունը ներկայումս պատրաստում է որոշում Ֆինլանդիայի Տուրկուի և Հյուսիսային Մակեդոնիայի մայրաքաղաք Սկոպիեի միջև թռիչքների հնարավոր դադարեցման մասին, որտեղից Ֆինլանդիա է ժամանել արդեն 40-ից ավելի կորոնավիրուսով ախտահարված: Ֆինլանդիայում նոր կորոնավիրուսով ախտահարման դեպքերի թիվը մեկ օրում ավելացել է 24-ով՝ օգոստոսի 18-ին հասնելով 7 776-ի:
Համավարակի սկզբից ի վեր երկրում արձանագրվել է 334 մահացու վախճան: Վերջին գնահատումների համաձայն՝ հանրապետությունում դիտվում է մեկ օրում վարակումների թվի ակնհայտ աճ՝ հուլիսի սկզբի ցածր ցուցանիշների համեմատությամբ, հաղորդել Է ՏԱՍՍ-ը:
