Թերթը գրում է. «Ահա թե ինչպես է ներդրումներ կատարում «Հարավկովկասյան երկաթուղիները»։
Մեր թղթակիցը վերջերս եղել է երկաթուղու մի քանի կայարաններում և, օրինակ՝ երկաթգծի «Էջմիածին» կայարանում նկատել է, որ միջոցներ խնայելու համար առաջին՝ երկար և լայն կառամատույցը դեռ չվերանորոգած՝ կառուցել են երկրորդ՝ փոքրը, ինչը դժվարություններ է ստեղծում կայարանից օգտվողների համար։ Այսպես՝ երկրորդ կառամատույցը ընկերությունը կառուցել է գնացքի 3 վագոնի երկարությամբ, իսկ թե որտե՞ղ պետք է կանգնի էլեկտրագնացքի 4-րդ վագոնը, երևի «Հարավովկասյան երկաթուղիներ» ընկերությունն էլ պատասխան չի կարող տալ».
Թերթի հետ զրուցած ուղևորներից մեկը նաև հայտնել է, որ նորակառույց կառամատույցն այնքան նեղ է, որ եթե օրերից մի օր կառամատույցում սպասող ուղևորները հայտնվեն երկու հանդիպակաց գնացքների միջև, վտանգավոր վիճակ կստեղծվի։
