Թուրքիայում կին զբոսաշրջիկների համար կարող է լինել ոչ անվտանգ՝ գրում է «Նորությունների դաշնային գործակալության» պորտալը: Նյութի հեղինակները վկայակոչում են Թուրքիայի նախագահ Թայիփ Էրդողանի խոսքերը, որը ակնարկել է, որ երկիրը մտադիր է դուրս գալ Ստամբուլյան կոնվենցիայից:
Այժմ պետության մեջ գործում է Եվրոպայի խորհրդի կոնվենցիան (Ստամբուլյան կոնվենցիան) կանանց նկատմամբ բռնության նախազգուշացման և պայքարի մասին՝ ներառյալ կենցաղային բռնությունը: Անկարան վավերացրել է փաստաթուղթը 2012 թվականին: Էրդողանը վկայակոչել է այն, որ պետությունն ինքը պետք է անձամբ մշակի նման փաստաթղթեր, ոչ թե օգտագործի «թարգմանված տեքստեր»:
«Ըմբռնումը, կանոնակարգումը կամ գաղափարախոսությունը, որոնք պայթուցիկ են դնում ընտանիքի հիմքում, չեն համարվում օրինական»,- հայտարարել է Թուրքիայի նախագահը:
Եթե կոնվենցիան չեղարկեն, Թուրքիայում կանայք կզրկվեն բռնությունից պաշտպանվելու միակ հնարավորությունից: Թուրքիայի նորությունների ամփոփագիրը համեմված է կանանց սպանությունների կամ տղաների կողմից աղջիկների լքվածության, ինչպես նաև իրենց կամքին հակառակ կանանց տղամարդկանց կողմից բռնի պահելու մասին նյութերով, որպեսզի կանայք «հաշտվեն» և մնան նրանց հետ ապրելու, այլապես նրանց սպասում է «խայտառակություն»:
