Նիկոլ Փաշինյանը շնորհավորել է Լուկաշենկոյին նախագահական ընտրություններում հաղթելու կապակցությամբ։ Շնորհավորանքը լայն արձագանք է գտել հայաստանյան համացանցում և բազում քննադատությունների տեղիք տվել։
Բելառուսում հետընտրական անորոշությունների պարագայում արդյոք արժե՞ր, որ մեր երկրի վարչապետը շնորհավորեր Ալեքսանդր Լուկաշենկոյին․ «Առաջին լրատվական»-ի հարցին Հանրային խորհրդի նախագահ Ստյոպա Սաֆարյանը պատասխանեց․ «Սա իրականում բարդ խնդիր է և մեկ կարճ պատասխան տալ հնարավոր չէ, հատկապես որ հարցի մեջ հնչեց «հետընտրական անորոշություն» բառը։ Բելառուսում կա անորոշություն, բայց այս պահին, երևի թե, ոչ այն իմաստով, ինչ իմաստով, որ մենք պատկերացնում ենք այդ հետընտրական զարգացումների առումով։ Դեռևս ընտրությունների ամփոփման օրը, երբ Բելառուսում անջատվեցին գրեթե բոլոր սոցիալական ցանցերը՝ բացառությամբ Telegram-ի, ընդդիմության թեկնածու Սվետլանա Տիխանովսկայան կոչ էր արել երկխոսության գնալ իր հետ։
Հիմա, եթե խոսում ենք անորոշությունների մասին, երևի նկատի ունենք այն, որ տակավին պարզ չէ, թե ինչպես կհանգուցալուծվի Բելառուսի նախագահական ընտրությունները։ Բայց այս պահի դրությամբ ընդդիմության առաջնորդը ոչ միայն դուրս չեկավ փողոց՝ ժողովրդին առաջնորդելու, այլ նաև հայտարարեց, որ հեռանում է քաղաքական պրոցեսներից, և այս պահին նա, կարծեմ, գտնվում է Լիտվայում։ Այս իրավիճակում շնորհավորել Լուկաշենկոյին, որը, ըստ զեկույցների, 20-25 տոկոսից ավելի քվե չի հավաքել, մի կողմից խնդիր է, բայց ասել, որ ի սպառ պետք էր շրջանցել և չշնորհավորել, այդպես չէ։ Թերևս, այստեղ ժամանակի խնդիրն էր՝ երբ շնորհավորել և ինչ բովանդակությամբ»։
Մանրամասները՝ տեսանյութում։
