Նոր Զելանդիայում փրկել են երկու ոսկե ձկնիկի, որոնք 134 օր առանց կերի են մնացել: Այս մասին հաղորդում է Associated Press գործակալությունը: Ձկներին հայտնաբերել են Քրայչեսթեր քաղաքում, որտեղ մոտ 5 ամիս առաջ երկրաշարժ էր տեղի ունեցել:
Դաֆնա և Շեգի ձկնիկները 4 այլ ձկների հետ ապրել են հաշվապահական գրասենյակում տեղադրված ակվարիումում: Երկրաշարժից հետո հաշվապահական գրասենյակի աշխատակիցները շտապ փախել են այնտեղից` անուշադրության մատնելով ձկներին: Սակայն նրանցից երկուսին հաջողվել է կենդանի մնալ, իսկ մյուս 4-ը սատկել են:
Ոսկե ձկնիկների կենդանի մնալուն նպաստել է այն հանգամանքը, որ ակվարիումը շատ մեծ է եղել, և ջուրը չի փչացել: Իսկ Դաֆնային և Շեգիին սովից չսատկելուց փրկել է այն հանգամանքը, որ մյուս ձկները սատկել են և կեր դարձել նրանց համար:
Փլատակները մաքրել են միայն հուլիսի սկզբին: Որքան մեծ է եղել գրասենյակի տնօրենի զարմանքը, երբ իմացել է, որ իր ձկնիկները ողջ են մնացել: «Ես ապշած էի»,- ասել է նա:
