Երևանի քաղաքապետ Հայկ Մարությանը ֆեյսբուքյան էջում լուսանկարներ է հրապարակել Էրեբունի վարչական շրջան կատարած իր աշխատանքային այցից և կից գրել.
«Այցելեցի Էրեբունու բազմաբնակարան շենքերից մեկը, որտեղ այս պահին, քաղաքի 123 այլ կետերի հետ միասին, ընթանում են վերելակների փոխարինման աշխատանքները:
Ինչպես տեղեկացրեցինք տարվա սկզբին, 2020-ին ընդհանուր 500 վերելակ ենք փոխելու: Կարծում եմ, ավելորդ չի լինի նշել, որ մինչ 2018 թվականը՝ մեր թիմի գալը, Երևանում փոխվել էր 35 վերելակ: Երկու տարվա ընթացքում մենք փոխում ենք 520 վերելակ, հաջորդ տարի մտադիր ենք ավելի մեծ ծավալ վերցնել՝ մինչև խնդիրը վերջնականապես լուծվի:
Բոլոր նոր վերելակները, ի դեպ, ներառական են՝ կահավորված են հայերեն ձայնային ազդանշանով, վերելակի կոճակների վրա Բրայլի այբուբենով գրություններ կան, կարելի է հանգիստ ներս մտնել անվասայլակով:
Վերելակների փոփոխման ծրագիրը, բացի բուն նպատակին ծառայելուց, նաև զգալիորեն աշխատատեղերի հարց է լուծում: Մեր շատ վարպետներ, այդ թվում՝ վերջերս հայրենիք վերադարձած, սրա շնորհիվ աշխատանք ունեն»:
https://www.facebook.com/HaykMarutyanMayor/posts/629827760994196?__xts__[0]=68.ARCwG5bXBKajOEI8Gk-vdHNW2jAk6kOi14j9GfDuqZ0urP-f3AHUtHuInEl9HvLNKIg90fd35UOE375p0cDGqcvahKnh9sm4EydYcVU2QpupMFnzL-ztf8EZMSq9mWgaya0wmAIkvEPSHEw_hXpqlSGJxHijzP7jMi5biN9qFE3ZdyEHFygD0XDpY8ROJe7BQZ-1E419e2TqjYRFH1XxC5ou0oNXMi5iHgNASPi_nDGs_8JPKnO6E9u9OCVofyi7O7mZ11lzrc_g-sDsUu8lphBDdZ327ydps7gfTwzfjRFfx0Fwy4qbiceNNBbY4pNHcmvQBDCkMxjHZAYtq8s3GVs&__tn__=-R
