Այսօր Կենտրոնական բանկում հանդիպում ունեցա ԿԲ խորհրդի անդամ Հովհաննես Խաչատրյանի հետ, ում Ազգային Ժողովն այդ պաշտոնում ընտրեց անցած ամիս։ Հանդիպման նպատակը հատկապես վարկային կազմակերպությունների հետ կապված հիմնախդնիրների համախումբը քննարկելն էր, այդ ոլորտին առնչվող բազմաթիվ ահազանգեր արձանագրել ու գույքագրել եմ քաղաքացիների հետ իմ հանդիումներում, այդ թվում՝ սահմանամերձ/սահմանապահ բնակավայրեր կատարած այցերի ընթացքում։
Հուրախություն ինձ պետք է արձանագրեմ, որ չնայած պաշտոնը ընդամենը մեկ ամիս առաջ ստանձնած լինելու հանգմանքին, պարոն Խաչատրյանի մոտ կա այդ բնագավառի խնդիրների ամբողջական ու համալիր գիտակցում ու ամենակարևորը՝ դրանք լուծելու կամք ու վճռականություն։
Քննարկումից հետո Հովհաննես Խաչատրյանի հետ պայմանավորվածություն ձեռք բերեցինք առաջիկայում համատեղ աշխատել՝ վարկային կազմակերպությունների գործունեության, դրանց պատճառով մեր քաղաքացիներին պատճառված ֆինանասական կորուստների հետ կապված խնդիրների ինստիտուցոինալ ձևակերպման շուրջ։
Լիահույս եմ, որ համատեղ աշխատանքը ցանկալի արդյունք կարձանագրի և մենք կկարողանանք այս ոլորտի գործունեությունը կանոնակարգել այնպես ու այնքան, որ գոնե ապագայում մեր քաղաքացիներն ամենատարբեր պատճառներով ֆինանասական աճպարարությունների զոհ չդառնան։
https://www.facebook.com/babajanyana/posts/3533818236648878?__tn__=-R