Բելառուսի ՆԳՆ-ն հերքել է օգոստոսի 9-ին Մինսկում տեղի ունեցած անկարգությունների ընթացքում զոհված անձի մասին հաղորդումը: Այս մասին հաղորդում է ՏԱՍՍ-ը:
«Զոհվածներ չկան»,- հայտարարել է հանրապետության ՆԳՆ մամուլի քարտուղար Օլգա Չեմոդանովան:
Ավելի վաղ «Վեսնա» իրավապաշտպան կենտրոնի ներկայացուցիչ Վալենտին Ստեֆանովիչը հայտնել էր, որ Մինսկում տեղի ունեցած բողոքի ցույցերի ժամանակ մեկ մարդ է զոհվել:
Օգոստոսի 9-ին Բելառուսում անցկացվեցին նախագահական ընտրություններ: Երկրի մի շարք քաղաքներում չարտոնված բողոքի ակցիաներ են սկսվել, որոնց ընթացքում ոստիկանությունը արցունքաբեր գազ և լուսաձայնային նռնակներ է կիրառել:
Ընտրությունների նախնական արդյունքների համաձայն, գործող նախագահ Ալեքսանդր Լուկաշենկոն, որը 26 տարի ղեկավարում է երկիրը, ստացել է ձայների 80.23%-ը:
