Լուրեր
Բժշկական համայնքը բանակին հավասար կառույց է․ ինչ տվեց ու ինչ բացահայտեց կորոնավիրուսը առողջապահական ոլորտում
  • 21:15
  • 2020-08-03
  • Դիտումներ՝ *

Աշխարհը շարունակում է պայքարը կորոնավիրուսի դեմ. ի՞նչ իրավիճակ է Հայաստանում: Թեմայի շուրջ «Առաջին լրատվական»-ը զրուցել է ԵՊԲՀ դոցենտ, հանրային առողջության կազմակերպիչ Մարթա Սիմոնյանի հետ:

Այսօր հաստատվել է կորոնավիրուսի 52 նոր դեպք, գրանցվել է 8 մահ, ապաքինվել է 111 անձ, 394 թեստ է արվել: Նկատենք, որ այս տվյալների համաձայն՝ ապաքինվածների թիվը երկու անգամ ավելի է վարակվածների թվից. դեպքերի նվազման միտում է նկատվում: Մարթա Սիմոյանն անդրադառնալով այս դիտարկմանը նշեց, որ պետք է հաշվի առնել, որ նախորդ օրերը հանգստյան օրեր էին և թեստավորման թիվը մեծ չի եղել, հնարավոր է որ դրանով է պայմանավորված այն, որ երկուշաբթի օրերին միշտ ավելի փոքր թվով վարակվածության դեպքեր են գրանցվում:

«Սակայն վերջին օրերի վիճակագրությունը ևս փաստում է այն մասին, որ առողջացածների թիվը գերազանցում է վարակվածների թվին, ինչը թույլ է տալիս ասելու, որ կորոնավիրուսն արդեն գնում է նվազման, կորն իջնում է, պիկն արդեն հաղթահարել ենք: Հույս ունենք, որ պիկեր չենք ունենա, բայց զգոնությունը թուլացնել պետք չէ, պետք է սովորենք ապրել կորոնավիրուսի հետ, պիկային և շոկային իրավիճակից դուրս կգանք, բայց առաջիկայում նույնպես կլինեն վարակվածության դեպքեր»:

Մարթա Սիմոնյանի խոսքով՝ այս դժվար փորձությունից պետք է դասեր քաղել. «Կարևոր է ճիշտ տեղեկատվություն հավաքելը և դրա շնորհիվ գիտահեն լուծումներ ստանալ»:

Մանրամասն՝ տեսանյութում:

  • Դիտումներ՝ *