Նախագահ Դոնալդ Թրամփի վարչակազմը և ԱՄՆ-ի Կոնգրեսի՝ հանրապետականների վերահսկողության տակ գտնվող Սենատը կորոնավիրուսի համավարակի պայմաններում տնտեսությանն աջակցելու «սկզբունքային համաձայնության» են եկել: Այս մասին հայտնում է «Ինտերֆաքս» -ը՝ վկայակոչելով Սպիտակ տան վարչակազմի ղեկավար Մարկ Մեդոուզին:
Մեդոուզը հայտարարել է, որ օգնության փաթեթը, ամենայն հավանականությամբ, կհրապարակվի հուլիսի 27-ի կեսօրին, մի քանի հարցեր լուծվելուն պես, որոնց բովանդակությունը նա չի հստակեցրել:
Ավելի վաղ Մեդոուզը հայտարարել էր, որ ԱՄՆ վարչակազմը և հանրապետական սենատորները կարծում են, որ կորոնավիրուսի հետ կապված ամերիկյան քաղաքացիներին մարտ ամսվա վճարումները չափազանց մեծ են եղել:
Ինչպես հաղորդվում է, ԱՄՆ հանրապետական կուսակցությունը առաջարկում է ևս 1 տրիլիոն դոլար հատկացնել ճգնաժամի ընթացքում տնտեսությանը սատարելու համար՝ նոր կորոնավիրուսային վարակի համաճարակի պատճառով, հայտարարել է ԱՄՆ ֆինանսների նախարար Սթիվեն Մնուչինը:
