Ադրբեջանական Salam News գործակալության փոխանցմամբ՝ այսօր Թուրքիայի վարչապետ Էրդողանը պաշտոնական այցով ժամանում է Ադրբեջան։
Սա հունիսի 12-ին Թուրքիայում տեղի ունեցած խորհրդարանական ընտրություններից հետո Էրդողանի երկրորդ արտասահմանյան այցն է։ Ադրբեջանից առաջ Էրդողանն այցելել էր ինքնահռչակ Հյուսիսային Կիպրոսի թուրքական հանրապետություն (ՀԿԹՀ)։
Ադրբեջանական այցի շրջանակներում Էրդողանը թե՛ տետ-ա-տետ, թե՛ պատվիրակության մասնակցությամբ ընդլայնված կազմով հանդիպումներ է ունենալու Ադրբեջանի նախագահ Իլհամ Ալիևի հետ։
Ակնկալվում է, որ այդ հանդիպումներում կողմերը քննարկելու են երկկողմանի հարաբերություններին, ինչպես նաև տարածաշրջանային ու միջազգային զարգացումներին առնչվող խնդիրներ։
Հիշեցնենք, որ այս ադրբեջանական այցն Էրդողանի համար լինելու է թվով 10-րդը։
