Իրանի և Ռուսաստանի նախագահներ Հասան Ռոհանին և Վլադիմիր Պուտինը հեռախոսազրույցի ընթացքում քննարկել են Սիրիայի իրադրությունը, միջուկային գործարքը, Թեհրանի նկատմամբ զենքերի էմբարգոյի հանումը և կորոնավիրուսը՝ տեղեկացնում է ՌԻԱ Նովոստի-ն:
Ինչպես հետևում է ռելիզից, որը հուլիսի 16-ին հրապարակվել է Իրանի նախագահի կայքում, Ռոհանին ընդգծել է Սիրիայում իրադրության կարգավորման ուղղությամբ Թեհրանի, Մոսկվայի և Անկարայի համագործակցությունը շարունակելու անհրաժեշտությունը Աստանայի գործընթացի շրջանակներում: Բանակցությունների մյուս թեման դարձել է Իրանի միջուկային ծրագրի վերաբերյալ Գործողությունների համատեղ համապարփակ պլանը (ԳՀՀՊ): Կողմերը նաև քննարկել են կորոնավիրուսը՝ ընդգծելով համավարակի տարածման դեմ պայքարում համագործակցության անհրաժեշտությունը: Տարբեր ոլորտներում և տարբեր մակարդակներում երկկողմ հարաբերությունները դարձել են երկու երկրների բանակցությունների ևս մեկ թեմա:
