Պենտագոնը պաշտոնապես հավաստել է Միացյալ Նահանգների ուժերի հեռանալն Աֆղանստանի տարածքի հինգ ռազմակայաններից, ինչպես նաև զորքերի թվաքանակի կրճատումը մինչև այն մակարդակ, որը նախատեսված է Վաշինգտոնի և «Թալիբան» արմատական շարժան միջև կնքված հաշտության համաձայնագրով: Այդ մասին ասված է ԱՄՆ-ի պաշտպանության նախարարության պաշտոնական ներկայացուցիչ Ջոնաթան Հոֆմանի հայտարարության մեջ, որը տարածվել է հուլիսի 14-ին: «Ինչպես նախատեսված է պայմանագրով, Միացյալ Նահանգները համաձայնվել է Աֆղանստանում իր ուժերի թվաքանակը կրճատել մինչև 8,6 հազար և հեռանալ հինգ ռազմակայաններից:
Աֆղանստանում ԱՄՆ-ի ուժերի թվաքակազմը մնում է 8,5 հազարի շրջանում, իսկ հինգ ռազմակայանները, որոնք նախկինում զբաղեցնում էին ԱՄՆ-ի ուժերը, հանձնվել են աֆղան գործընկերներին»,- նշել է նա: Ավելի վաղ Միացյալ Նահանգների վարչակազմի ներկայացուցիչն Աֆղանստանի TOLONews հեռուստաալիքին հայտնել էր, որ ԱՄՆ-ը փակել է ռազմակայանները Հիլմենդի, Ուրուզգանի, Պատիկայի և Լագմանի նահանգներում:
Փետրվարի 29-ին Կատարի մայրաքաղաքում Աֆղանստանի հարցերով ԱՄՆ-ի հատուկ ներկայացուցիչ Զալմայ Խալիլզադի և թալիբների ներկայացուցիչ մոլլա Աբդուլա Ղանի Բարադարի կողմից ստորագրված համաձայնագրին համպատասխան Միացյալ Նահանգները, նրա դաշնակիցները և կոալիցիան մտադիր են 14 ամսվա ընթացքում Աֆղանստանից դուրս բերել բոլոր զորքերը, հաղորդել է ՏԱՍՍ-ը:
