Ադրբեջանական Salam News գործակալության փոխանցմամբ՝ Ադրբեջանի արտգործնախարար Էլմար Մամեդյարովը հանդիպում է ունեցել բրիտանական պատվիրակության հետ, որը գլխավորել է Համայնքների պալատի անդամ, պահպանողական Քրիստֆեր Փինչերինը։
Հանդիպման ժամանակ Մամեդյարովը բրիտանական պատվիրակությանն իրազեկել է Ադրբեջանի բազմակողմ կտրուկ զարգացման մասին՝ ընդգծելով օրեցօր աճող նրա տարածաշրջանային դերը։
Ղարաբաղյան հակամարտության հետ կապված՝ Մամեդյարովը կարևորել է Ադրբեջանի «օկուպացված» տարածքներից հայկական զորքերի միանշանակ դուրսբերումը՝ հավելելով, որ խնդրի ձգձգումն անհնարին է դարձնում տարածաշրջանի զարգացմանն առնչվող կանխատեսումները։
Բրիտանացիներն իրենց հերթին կարևորել են բրիտանա-ադրբեջանական հարաբերությունների ընդլայնումը՝ հույս հայտնելով, որ ղարաբաղյան հակամարտությունը կկարգավորվի խաղաղ ճանապարհով։
