Օրերս վարչապետը գրառում էր կատարել այն մասին, որ համավարակի այս օրերին Հայաստանում զանգվածաբար շարունակում են դիմակ չկրել: Ինչու են մեր քաղաքացիները քամահրանքով վերաբերում թե՛ սեփական առողջությանը, թե՛ հանրային առողջությանը: Ինչ սխալներ է անում իշխանությունը: Թեմայի շուրջ «Առաջին լրատվական»-ի հետ զրույցում կրթության փորձագետ Արեգ Թադևոսյանը նշեց, որ համամիտ չէ վարչապետի այդ գրառման հետ. «Փողոցում շատ հազվադեպ եմ տեսնում մարդկանց, որոնք դիմակ չեն կրում, զարմացած եմ դիմակ կրողների թվից… Տարբեր երկրների դինամիկան, համավարակի տարածման առումով, շատ նման է, կարծում եմ՝ դիմակ կրել-չկրելը դրա վրա չի ազդում»:
Արեգ Թադևոսյանի դիտարկմամբ՝ մեր կառավարությանը հասարակությունը վստահում է, բայց մեր կառավարությունը լավ կոմունիկացիա չի վարում. «Օրինակ՝ պետք է բավարար բացատրություններ տան, թե ինչու պետք է դիմակ կրել: Իմ ունեցած կենսաբանական ամբողջ գիտելիքն աղաղակում է այն մասին, որ դրանից բժշկակենսաբանական տեսանկյունից օգուտները շատ քիչ կարող են լինել, վնասները՝ հսկայական: Գուցե ես սխալվում եմ…, պատրաստ եմ լսել, թե ինչու է դիմակ կրելը ճիշտ… Կարծիք կա, որ դիմակ կրելը զգոնության մասին է վկայում, բայց ես կարծում եմ, որ դա տեռոր է, մարդը վախենում է, նրա մոտ անընդհատ վախի զգացում է առաջանում, անընդհատ կորոնավիրոսով վարակվածության և մահացության թվեր են հայտարարվում, բայց ինչու, օրինակ, չեն հայտարարում, թե քանի երեխա է ծնվում ամեն օր, եթե իրար հետ տխրում ենք, եկեք իրար հետ նաև ուրախանանք: Մեդիաոլորտում տեռորի, սարսափի մթնոլորտ խթանում է տեղի ունենում ամենայն միջոցներով»:
Մանրամասն՝ տեսանյութում:
