Մեր աղբյուրի փոխանցմամբ, ԼՂՀ նախագահ Բակո Սահակյանի այցը ԱՄՆ երկու մաս ունի` երևացող և չերևացող. երևացող մասն այն է, որ Բ. Սահակյանը նոյեմբերի 22-ին պետք հանդիպեր ամերիկահայ բարերար Վահե Կարապետյանին և քննարկեր Արցախում իրականացվող մի շարք ծրագրերի ընթացքին և հեռանկարներին առնչվող հարցեր: Ինչ վերաբերում է չերևացող մասին, ապա համառ պնդումներ են շրջանառվում այն մասին, որ Բակո Սահակյանը Սերժ Սարգսյանի հատուկ` «քաշ ունեցող» պատվիրակն է` վերջերս ԱՄՆ-ում կալանավորված Պզոյի` Արմեն Ղազարյանի ղեկավարած հանցախմբի որոշ անձանց համար բարեխոսելու գործով: Թե ինչ խոստում է տալու Բակո Սահակյանը իր լիազորությունների շրջանակում, առայժմ կարելի է միայն ենթադրել, բայց որ Պզոյի գործով ԱՄՆ իրավապահների բացահայտումները չեն նեղացնի հայրենի բարձրագույն իշխանավորներին, լավատեղյակները դրանում համոզված են: