Հուլիսի 7-ին Սահմանադրական դատարանը քննելու էր Ռոբերտ Քոչարյանի մեղադրանքի 300.1 հոդվածի և անձեռնմծխելիության հարցը: Այսօր հայտի դարձավ, որ Ռոբերտ Քոչարյանի պաշտպանական խումբը հետ է վերցրել մեկ տարի առաջ Սահմանադրական դատարան ներկայացրած դիմումները: Փաստացի արդարացված է այն մտավախությունը, որ ՍԴ այս կազմը կողմնակալ էր, քանի որ ակնհայտ է դառնում, որ ՍԴ-ն Քոչարյանի համար բարենպաստ որոշում կկայացներ, որի արդյունքում Մարտի 1-ի գործը կմտներ փակուղի:
Թեմայի շուրջ «Առաջին լրատվական»-ը զրուցել է «Իրավունքի Եվրոպա միավորում» ՀԿ նախագահ Լուսինե Հակոբյանի հետ:
Սահմանադրական դատարանի թնջուկը հետաքրքիր հանգուցալուծման փուլում է գտնվում, ակնհայտ է, որ նախկին ռեժիմի ներկայացուցիչները ցայտնոտի մեջ են և արդեն չմտածված գործողություններ են ձեռնարկում: Բայց ՀՀ նախագահն արդեն ստորագրել է ԱԺ կանոնակարգ օրենքում փոփոխությունները և ԱԺ նախագահը, ըստ ընթացակարգի, դրանք հրապարակեց այսօր, վաղն այդ փոփոխություններն ուժի մեջ կմտնեն, որոնց համաձայն՝ կդադարեն ՍԴ դատավորներ Ալվինա Գյուլումյանի, Ֆելիքս Թոխյանի և Հրանտ Նազարյանի լիազորությունները, ինչպես նաև Հրայր Թովմասյանը ստիպված կլինի դադարեցնել ՍԴ նախագահի պաշտոնավարումը:
Ակնհայտ է, որ ՍԴ այդ մի քանի անդամները ցանկություն ունեին, որ խորհրդարանական խմբակցություններն այս հարցով դիմեն ՍԴ և ԲՀԿ-ն ստորագրահավաք սկսեց, բայց մեկ ձայն չբավարարեց, իսկ «Լուսավոր Հայաստանը» չմիացավ նրանց՝ սպասելով Ռ. Քոչարյանի գործով որոշման կայացմանը: Եվ Քոչարյանի պաշտպանները հապճեպ որոշում կայացրին ու հայտարարեցին ՍԴ ուղարկված դիմումը հետ վերցնելու մաիսն. «Սակայն այստեղ գործեր են միավորված և, միևնույն է, նրանց դիմումը հետ վերցնելը չի կասեցնում գործի ընթացքը, հուլիսի 7-ին դատական նիստը, ամենայն հավանականությամբ, կկայանա»,- նշեց Լուսինե Հակոբյանը:
Նա նաև կարծիք հայտնեց, որ պետք է քրեական գործ հարուցվի և ՍԴ անդամների նկատմամբ քրեական հետապնդում սկսվի:
Մանրամասն՝ տեսանյութում:
