Հայաստանում հունիսի 24-ի դրությամբ հաստատվել է կորոնավիրուսով վարակման 711 նոր դեպք։ ԱԺ առողջապահության և սոցիալական հարցերի մշտական հանձնաժողովի նախագահ Նարեկ Զեյնալյանի դիտարկմամ՝ այս ցուցանիշը խոսում է այն մասին, որ արվել է շատ թեստ, 2200-ից ավելի, և ըստ այդմ դրական դեպքերի թիվը բարձր է։
Անդրադառնալով վերջին օրերին առողջացածների աննախադեպ թվին, Զեյնալյանը նշեց․«Դա հիմնված է վիճակագրական տվյալների վրա, որ անսիմպտոմ ձևերը կամ թեթև սիմպտոմներով, թեթև գանգատներով վարակվածները տասնչորսերորդ օրից հետո թեստը բացասական է լինում։ Այսինքն՝ մինչև այժմ ում որ իրականացրել են, տասնչորս օր անց եղել է բացասկան։ Եվ ըստ այդմ նրանց, կարծում եմ, կարիք չկա ևս մեկ անգամ թեստավորել հավաստիանալու համար վարակակիր են, թե ոչ» , – «Առաջին լրատվական»-ի հետ զրույցում ասաց «Իմ քայլը» խմբակցության պատգամավոր Նարեկ Զեյնալյանը։
