Volkswagen կոնցեռնը հետաքրքրություն է հայտնել Opel մակնիշի հանդեպ: Գերմանացիները համապատասխան առաջարկություն են ուղարկել բրենդի ներկայիս սեփականատիրոջը՝ մեքենաշինության գիգանտ General Motors-ին, սակայն վերջինիս դուր չեն եկել պայմանագրի դրույթները,- գրում է Manager Magazine-ը՝ հղում անելով համապատասխան աղբյուրներին: Թե ինչ գումար է պատրաստվում վճարել Volkswagen-ն Opel-ի համար՝ չի ճշտվում:
Գերմանական լրատվամիջոցներում General Motors ավտոկոնցեռնի կողմից Opel մակնիշի մասին վաճառքի լուրերը հայտնվել են 2011 թ. հունիսին: Ավելի ուշ ընկերության ներկայացուցիչները դա հերքել են՝ անվանելով սպեկուլյացիա: Պաշտոնական տվյալներով՝ ամերիկյան կոնցեռնը մտադիր է գալիք տարիներին իրագործել Օպելի, որը վերջին մի քանի տարիներին օգուտ չի ստանում, վերակենդանացման ծրագիր:
2011 թ. կեսերին Volkswagen-ի նախագահների խորհրդի ղեկավար Մարտին Վինթերքորնը կարծիք է հայտնել, որ եթե General Motors որոշի վաճառել Opel ընկերությունը, ապա այն կգնի չինական ավտոարտադրող: Նրա կարծիքով՝ մակնիշի վաճառքն ամերիկացիների համար կլինի բնական, քանի որ 1999 թվից նրանք Եվրոպայում կորցրել են 14.5 մլրդ դոլար: Միևնույն ժամանակ VW-ի մամլո ծառայության ներկայացուցիչները խնդրել են ԶԼՄ-ներին նրա ասածը դիտարկել որպես առաջարկություն, այլ ոչ թե պնդում այն մասին, որ գերմանական ավտոընկերությունը վաճառելու են:
2009 թ. GM-ն հայտարարեց Opel-ի վաճառքի մտադրության մասին: Որպես գնորդ հանդես եկան Magna-ն և Sberbank-ի կոնսորցիումը, սակայն հետագայում ամերիկացիները որոշեցին հրաժարվել այդ մտքից:
