Livejournal.com հայտնի կայքը, որտեղ գտնվում են հայտնի մարդկանց բլոգները, այսօր առավոտվանից անհասանելի էր որոշ օգտատերերի համար: Ինչպես Gazeta.ru կայքին ասել է Livejournal ապրանքանիշի սեփականատեր SUP ընկերության PR մենեջեր Եկատերինա Պախոմչիկը, այդպիսի դեպքեր այսօր առավոտվանից արձանագրել են բավական թվով օգտատերեր: Ավելի ուշ ընկերությունից ասել են, որ պատճառը տեխնիկական է:
Մարտ ամսին այս կայքը ենթարկվել էր լուրջ հարձակման, երբ մեծ թվով էջեր անհասանելի էին դարձել: Շատերը սա կապում էին այդ պլատֆորմում որոշ քաղաքական բլոգների չեզոքացման անհրաժեշտության հետ, իսկ մեղավորների փնտրում էին Ռուսաստանի մերձիշխանական շրջանակներում: Իրավիճակն այն ժամանակ այնքան էր սրվել, որ դրա մասին խոսել էր նույնիսկ նախագահ Դմիտրի Մեդվեդևը: