Էմի Ուայնհաուսի մահվան պատճառը թմրանյութերի գերդոզավորումը չի եղել: Ալկոհոլն է, հավանաբար, դարձել հայտնի երգչուհու մահվան պատճառ: Վերջին տարիներին երգչուհին չէր կարողանում հաղթահարել «անթաքույց սերը» ալկոհոլի և թմրանյութերի նկատմամբ, չնայած ուներ բոլոր հնարավորությունները՝ բուժվելու լավագույն բժիշկների մոտ:
Ընկերներն ու բարեկամներն ասում են, որ երգչուհին սկսել է մեծ քանակությամբ թմրանյութեր և ալկոհոլ օգտագործել այն բանից հետո, երբ նրան լքել է ընկերը՝ ռեժիսոր Ռեգ Տրևիսը: Վերջինս Էմիի մահվան լուրից մի քանի ժամ անց եկել է նրա տան մոտ: Ինչպես գրում է The Sun-ը, Էմիի տանը միշտ եղել է մարդ, որը անհրաժեշտության դեպքում պետք է օգնություն ցուցաբերեր երգչուհուն: Նա պատմել է, որ Էմին գնացել է քնելու։ Երգչուհու մարմինը հայտնաբերվել էր 6 ժամ անց, երբ արդեն ուշ էր օգնություն ցուցաբերելու համար:
