«Հանրապետություն» կուսակցության անդամ Անի Խաչատրյանի կարծիքով՝ բարոյական չեն այն շահարկումները, թե վարչապետի ու նրա ընտանիքի անդամների վարակման հանգամանքը սուտ է․ «Անբարոյականությունը սահմաններ ունի, բայց ձեր(շահարկողների) պարագայում դա անսահման է»։
Անդրադառնալով հարցին, թե թվերը փաստում են, որ կառավարությունը հակահամաճարակային միջոցառումներում թերացել է, և ո՞ր ուղղությամբ է հատկապես սխալվել, Խաչատրյանը նշում է՝ պարետատան գործունեությունը չի գոհացնում իրեն, իսկ այսօր համատարած «ռեյդերը» ուշացած են։ Անդրադառնալով Արթուր Վանեցյանի «Հայրենիք» կուսակցությանը, նկատում է՝ այն ռուսական հստակ ուղղություն ունեցող կուսակցություն է, որը ստեղծելու փոխարեն Վանեցյանը պարզապես կարող էր անդամակցել, իր բնորոշմամբ, նույն գաղափարախոսությունը ունեցող ԲՀԿ-ին։ Ինչ վերաբերում է Միքայել Մինասյանին, նշում է․ «Միքայել Մինասյանը ինչ խոսում է, իր պաշտպանյալ Ռուսաստանին դեմ է խոսում։ Նրան շուտով կարելի է սպասել «Կիսաբաց լուսամուտներում», ցանցառության նմանվող պահվածք է դրսևորում»։
