Ինչպես երեկ հայտարարել է Լիբանանի հարցերով ՄԱԿ-ի ներկայացուցիչը, հրադադարի ռեժիմը, որ սահմանվել էր 2006թ. և վերջ դրել լիբանանյան երկրորդ պատերազմին, պահպանվում է ըստ արժանվույն: Սակայն ներկայացուցիչ Մայքլ Ուիլյամսն ասել է, որ չի բացառում, որ «Հիզբոլլահը» ստանում է հզոր ռազմական օգնություն:
Միաժամանակ Ուիլյամսն ասել է, որ չունի մանդատ և հնարավորություն վերահսկելու Լիբանան մատակարարվող զենքի հոսքը: Նա ասել է, որ իրոք, եթե «Հիզբոլլահը» ստանա հրթիռներ, որոնք կարող են ռմբակոծել իսրայելական բոլոր քաղաքները, դա ՄԱԿ-ի կողմից ընդունված բանաձևի խախտում է, սակայն նա ոչ մի ապացույց չունի, որ այդպես է: