Բրիտանիայի արքայազն Էնդրյուն սեռական կապ է ունեցել սեքս-ստրուկների վաճառքով զբաղվող Ջեֆրի Էփշտեյնի զոհերից մեկի՝ Վիրջինիա Ռոբերթսի հետ ՝ նրա «մանկապիղծների կղզի» ուղևորության ժամանակ: Այս մասին Էփշտեյնի նախկին աշխատակից Սթիվ Սքալին պատմել է Netflix-ի վավերագրական սերիալում, հաղորդում է The Sun-ը:
Նրա խոսքով, Անգլիայի թագուհու որդուն նա կղզում տեսել է 2004 թ.-ին: Արքայազն Էնդրյուն համբուրում էր երիտասարդ Վիրջինիա Ռոբերթսին, «բռնում նրա հետույքը և հպվում նրան»: Այդ ամենին Սքալին ականատես է եղել մի քանի րոպե:
Ավելի ուշ Ռոբերթսը մեղադրել է Էնդրյուին Էփշտեյնի կազմակերպած սեքս-օրգիաներին մասնակցության համար: Սքալին, որը կղզում տարաբանվոր էր աշխատում, առաջին վկան էր, որը հաստատեց բրիտանական Յորքի դուքսի ներկայությունը Էփշտեյնի օրգիաներում:
Էփշտեյնը ձերբակալվել է հուլիսի 6-ին Նյու Յորքում: Նա մեղադրվում էր հանցավոր ցանց ստեղծելու մեջ, որը նրան թույլ էր տալիս սեռական շահագործման ենթարկել և ծաղրել տասնյակ անչափահաս աղջիկների: Օգոստին 10-ին Էփշտեյնը բանտում ինքնասպան է եղել: Նրա կալանավայրի մոտակայքում գտնվող տեսախցիկների տեսագրությունները ոչնչացվել են:
Ֆինանսիստը ծանոթ էր ԱՄՆ-ի և այլ երկրների մի շարք բարձրաստիճան պաշտոնյաների, այդ թվում՝ նախագահ Դոնալդ Թրամփի, նախկին նախագահ Բիլ Քլինթոնի հետ: Նրա հետ հարաբերությունների մասին լուրերի պատճառով արքայազն Էնդրյուն հրաժարվեց թագավորական ընտանիքի անդամի իր պարտականություններից:
